كتابات - علي العلي
عمّي الله يساعد الريّس جلال الطلباني .. شعبيش انتم ما اتكَلولي شعبيش ... هسّه ابتـله وصار ريّـس عليكم خـو ما ابتـله .. ايحِـلّ ابمشاكلكم ويرّجع كَري .. الليـل كِـله امكَابل عِرايضكم وامحنّـب ويقّـره .. جـان كَـبُل لا يصير ريّس اشكَـد حُلو يشبه راغب علامه هُـوّه صار ريّـس اوهُـوه انكَلب توفيق الدقـن .. ابشرفكم ما تستحون جان كَـبُل التحرير بطل السليمانيه بالـزّانـه وهسّه ظلّ ايكِحّ ويضرط ويوميّـه امورّمْ ومبتـلين بي الامريكان من وَرَه اسوالفكم الزفّره .. اتـلث غرف متروّسه عِرايض لازم كِـلهن يقـراهن وكِـلهن ايحلهن واشلون عرايض امجيّرات ابجير .. شيصير ما اتكَلولي شيصير .. يعني ماكو مسؤولين بالدوله العراقيه غيره .. وين ينّطي وجهه .. للعرايض .. لمصايب الاحزاب .. للحراميه .. للعلاقات الدوليه ... للمؤتمرات .. الطيحان حظ المسؤولين .. للصحافه اللّي اتصفّط جذب ... للكهرباء .. للماي .. للمجاري .. للامراض ..للبطاله .. للرشاوي .. للبيشْ مَرْكَهْ وتمّن .. لو للسفارات العراقيه العاويه .. لو التهريب النفط .. لو النوّام البرلمان .. لو التدخلات دول الجوار .. وهيّه بس ايران يرادلّهه كوستر روؤساء .. صِدِك جِذِب ... انّـطوه اشويّة فنّتك .. قابل صارله ريّـس علينه ميتين سنه اشو هـنّه كِلهن خمس اسنين وجمّ شهر خِردَه .. حتّه بَعْدَه ما يعرف اسماء الوزراء ويخلطْ بين بيان جبر صولاغ وبيان 11 آذار .. وكل عريضه اتخصّ وزارة الماليه يكتب عليهه : اتّـلاع السـيـد بيـان 11 آزار مع التقدير .. عمّي انّطوه فكّه مو زين اومنّه صارله خمس اسنين ريّس وتوّه يالله حفظ اسم الجايجي .. شلقضيّه عله كيفكم ويّـاه .. هلكَد ما تحّجون عليه وشايّلينه وهادّكَينه وناعلين سلّفه سلّفاه شوفوه اشصخّم واشلطّم بهاذه اللقاء الصحفي وي صَحَفيّه لبنانيّه وضحّك روؤساء دول داء الشقيقه علينه :
.. فخامة الرئيس شو الحل تا تنّحل ازمة الكهرُبا ؟
.. تدفع الناس القوايم حتّه ترْجَعِلّهم الكهرباء !!
.. يعني شو الحكومه هيّي عَمّ تعّطع الكهرُبا بسبب الديون ؟
.. إي .. هازّه سبب .. وبعد اكو سبب .. الوايرات مال الشبّات صارت قديمه ..
.. طيّب فخامة الرئيس ليّه ما تعملو الوايرات دفـن في الارض ؟
.. لا ما يسير .. خـتِـيّـه زرزور ويـن يوكَـف !!
.. ok فخامة الرئيس بي اولو اكتير وزرا عِدْكُونْ لكن ما ابيعملو شِي ..
.. هازّه كلام خرابيت مال بعسِيّين صداميين .. الاخوان الوزراء يشتغلون مُنازِلِين زِدّ الدكتاتوريّا من قديم الزمان ..
.. بي اولو فخامة الرئيس إنكُوُنْ راح تترُك العمل السياسي وتتفرّغ للعمل التجاري ؟
.. الاكراد احسن واحد يخْلِت عمل سياسي وعمل تجاري وايسوّي منهه باسترمه .. وهازّه معادله مال ريازيّات مزّبُوته زَبُت ..
.. يبدو فخامتكُونْ ابتحِب الرياضيات اكثير ما هِيك ؟
.. تبعا .. تبعا .. إزا ما اتصدّكَين سِئليني ابجدول الزَرُب ! آنه جدول الزَرُب حافّزَه كِلّه على زَهَر قلب .. بس ما حافِز الناقص والزائد ...
.. يعني إزا بدّي أسأل فخامتكُونْ .. واحاد زائد واحاد .. كم بيصيرو .. ما ابتعرِف ؟
.. لا .. لا .. قابل آنه مُتِي .... بس اتلُب اشويّه اتسهلين السؤال !
.. ok .. ok .. فخامة الرئيس يعني شيش كباب واحاد وشيش كباب واحاد تاني ، شو الجواب ؟..
.. نصّ نَـفَـر !!
.. فخامة الرئيس بي اولو انكُونْ بتحِب المسلسلات المدبّلجِي .
.. احِب هازّه مال مهند ونور ..
.. في شي مَوْئِف أسّر فيك اكتير ابهَيّدَا المسلسل ..
.. إي من هازّه مهند زرْبُو طلقه .. زلّيت ابّجي .. لمّن تلعوهه منّه ..
.. طيّب فخامة الرئيس بي اولو في شي مِشكِلي اكتير اكبيري بين الاكراد وبين نوري المالكي .. شو تعليئكُونْ ؟
.. الأخ العزيز دولة رئيس الوزراء سوّه مال اسناد بالمحافزات .. هازّه اسناد بعدين ايسير مليشيات .. ميلشيات بعدين ايسير جيش .. جيش بعدين ايسير زدّ الاكراد .. انتي تقبلين هازّه جيش ايسير زدّ الاكراد ..
.. وشو اعملتو فخامة الرئيس .؟
.. رحنه للاخوان الامريكان اشتكينه .. الاخوان الامريكان كَالو هازّه مشكلتكم .. رحنه للسيد آية الله العُزّمَى السيستاني .. كَالو عدّه اجتماع مال فلوس خُمس .. رحنه للسيد آية الله العُزّمَى عبد العزيز الحكيم كَالو زاربينه ابره سرتان وصاير عِدّه اسهال وفارشيله دوشك بالمرحاز .. رحنه للسيد عادل عبد المهدي كَالو ماكِل جدر باميه وتمّن وكيلوين دِهينه وتَكّ عدّه التِحَال .. خابرنه آية الله العُزّمَى الخامنئي كَالو سارله يومين يحجي ويّه ديك تشيني بالتلفون .. ازّين الاكراد شعب مزْلُوم شعب كِلّه انفالات وحلبجات ومقابر جماعيّه ومواد كيمياويّه وين انروح انتير خو ما انتير ..
.. والدستور فخامتكُونْ ؟؟
.. هازّه الأخ العزيز نوري المالكي تِرِنْ ما يفتهم ... بسْ احّنه شنسوي لازم نتحَمّل ومِسِل ما يكَولون اخوانه العَرَب بالجنوب ... اليرْكبْ المُتِي يتحَمّل ازْرَاتـه ..!
.. فخامة الرئيس ابنعرُف انو اقتصاد العِرَاق ابيعتمُد على النفط .. في شِي تاني غير النفط ..؟
.. نَخَلْ ..
.. يعني بدّك اتئول التمر ما هِيك ..
.. نعم ..
.. وين ابيكتر التمر فخامة الرئيس ..؟
.... !!
.. فخامة الرئيس شو الغِنّيي اللّي بتحبّها اكتير اكتير ؟
.. هازّه الريّس ريسّنه يا نور العين .. اللّي غنّوهه المتربين لمّن تِلعَت من المستشفه بعد عملية سحب الغازات من البتِن ..
.. ok .. شو الأكله المفزّله لِفخامتكُون ْ.؟
.. الكوّزي والتشريب والبّاجَه والتوّلمه ومحروكَه ايّدَه وكباب بالساتور وعساعيس ولحم سـرُم بالبِـيْـز ..
.. فخامة الرئيس بي اولو عِدْكُونْ اكتير حِمايه شو بتئول ؟
.. تبعا حِمايه لان الارهابيين ايكَولون ولك شوف جلال تالباني لازم انّتِكّك بالتِهِن وإزا تكّوني بالتِهن يعني أموت وبعد ما أسير رئيس .. ومرّه زرْبَو عليّه .. بسْ مِن زرْبُو عليّه زرْبُو عله راسي .. هازّه واحد إرهابي نيشانّجي .. بسْ همْ زين آنه ما جنت كَاعِد يمّ الجّامه.. جنت كَاعِد بعيد ألعَب جنجفه ويّه السايق .. واحد حِمايه اتسوّب .. ودّيناه للمستشفه سمعته ختيّه ايصِيّح من الزّرْبَه .. كَالو سيدي ماكو بَنْجْ .. آنه سِرت عَسَبي كَلت ماكو بَنْجْ حتّوله دُورْ جَهَارْ .. هزوّله الارهابيين مشكله ..!
.. ميرّسِي اكتير إيْلكُونْ فخامة الرئيس على هِيّدا الحوار الجاد والشامل وعلى وئتكُون السمين وبنتمنّى لِيْكُونْ التوفيئ .. كلمه اخيره فخامة الرئيس إزا بتريد ..
.. شكرا على هازّه الحوار الشفّاف والمفيد للشعب العيراقي الشقيق .. لان خلّيتيه يعرُف سياستي في حكم هازّه البلد الصديق !
خلّص حوار الصحَفيّه اللبنانيّه وي رئيس العراق الديمقراطي الفيدرالي الإتحادي الدّاوي الجديد ..! ابشرفكم هاذه ريّس لو سِكِنْ تاته .. امن اكَلكم خربطّتو احواله ما اتصدكَون .. هسّه اللبنانيين من يقرون الحوار ابجرايدهم راح ايشبّعونّه غَـمّ .. امّدَاكم عله هل الريّس ما امّدَاكم عله هل الريّس .. عمّي ريّسيش هُوّه ياهُو اليجِي ايصير ريّس .. واحِد زائِد واحِد ما يعّرُف ومن سئلته الصحفيّه ظل ّايبلّعم وأرْيلَه شُمرْ عله مطعم كباب اروح لمين بالسيلمانيه .. انوب لِيْكِتّلَكْ .. ذاك اليوم شاف الوادم طالعه مظاهره كَوْم واطلّع اويّاهُم وظلّ ايهوّس .. بوش بوش يا جبان .. يا عميل الامريكان ..!!! يالله شتحطّلهه واتطيب ما أدري ؟....
طاح حظ هيجي ريس وهيجي حكومة وهيجي مسؤولين حرامات ما يسوون الضرب بالقندرة
هناك تعليق واحد:
اين كنتم عندما دخل الامريكان العراق الحبيب الغالي وين صرتو من دخلو بغدادودمروا تاريخ وحضارة البلد وتركتو البلد للحراميه تشعط وتمعط وخليتو الفرس المجوس يقتلون الضباط الاحرار اللي دافعوا عن العراق العظيم في حرب الثمانينات .اين انتم والمواطنون الاحرار في الشتات وفي بيوتهم بدون عمل ولامصدر رزق يوصلهم الشهر . المساءله مو مساْلة تعليق على هذا ابو بطن جلال الطالباني والمساءله اشلون انرجع العراق الى سابق عهده وان نعيد تاريخ الحضاره العراقيه .ان الذي يخاطبكم عراقي فقد كل شىْ من يوم دخل الامريكان ولحد الان ويعاني من العديد من الامراض والسبب انتم . اننا لانريد شعارات بل نريد افعال ونريد تحرير العراق من الشراذم الفاسده والسلام
إرسال تعليق