شقندحيات حمدان : أغاني عتيكَة

كتابات - حمدان العبل

إلى روح زهور حسين "قدس"

صلوات الحلو فات..
فات ما سلم علينه
نور يتلالى بجبينه
هلهلي بابا "زهوري".. صلوات
صلوات إعله عموري.. صلوات..
ضربه لمقتدى بوري.. صلوات
وهدن المسكين نوري.. صلوات
كلها صاحت صلوات
اطلاعات اطلاعات
اطلاعات وقدس فات

باكَوا اليابس والاخضر.. صلوات
قصدي "عزاوي" الأعور.. صلوات
وابنه "عموري" ابو ورور.. صلوات
هالشعب نايم مخدر.. صلوات
صلوات شلون قشمر.. صلوات
دايخ بمليون بنجر.. صلوات
صلوات اطلاعات..
اطلاعات الحلو فات

ياجماعة شلون بلوة.. صلوات
حلو ويشيله للخـ....ـوة.. سلامات
شكو بيها كلنا أخوة.. صلوات
صدقة لعمار فدوة.. صدقات
هالخدود شلون حلوة.. صلوات
للّي يسوه والميسوه.. اطلاعات
صلوات .. وكله فات
صلوات صلوات..
للصبح عموري بات..
صلوات الحلو بات

عنده مليارات عشرة.. صلوات
هذا ابو جهرة الزفرة.. صلوات
والعراقي حشا كَدره.. صلوات
دايخ ومحتار بأمره.. صلوات
حصته مليون دفره.. صلوات
ضاع نفطه وضاع تمره.. صلوات
صلوات صلوات..اطلاعات
صلوات الحلو بات

وين بات الحلو كَلّي.. صلوات
يم خمن لو أردبلّي.. صلوات
لا ينصي ولا يعلّي.. صلوات
يكَول ياأم عمران صلّي.. صلوات
خلها سكته آه ياخلّي.. صلوات

halabal@yahoo.com

الثورة 18 آيار 2008