- تطمينات عراقي زهكان
2008-12-09 :: بقلم: أثير الدراجي /السامرائي ::
ذكريات الزمن القادم..!هذا اسم لمسلسل سوري تم عرضه على الفضائيات واحببت ان اختار اسم هذا المسلسل لمقالتي هذه..وكما جرت العادة فان الناس يكتبون ذكرياتهم عن الماضي / ولكن العراقيين يبرعون في كتابة ذكرياتهم عن الزمن القادم في ظل المرجعية الرشيدة قدس ظلها..اكتب مذكرتي هذه لكم وانا عراقي في المهجر وقد هجرت من بيتي بعد احداث سامراء 2006
يكولون ... يكولون... يكولون
يكولون الوضع صاير زيـن..!
الاجهزة الامنية أكملت استعداداتها لأيام العيد السعيــد..علما اننا نخاف من الاجهزة الامنية وذلك لان الاجهزة الامنية ما هي الا عبارة عن مليشيات بلباس شرطة وجيش ويقولون ويعترف المسؤولون الوطنيون جداً..!
انها مخترقة وكأنها أجهزة نظيفة جدا وقد دخل اليها (بعـض.!) المفسدين والفاسدين وسيتم تطهير هذه الاجهزة من الفساد..!وبالحقيقة كلامهم كله صحيح إلا أنه بالعكس تماما, أي انه سيتم تطهير هذه الاجهزة من النظيفين ان كان فيها نظيفين..!؟؟
ويكولون ان الوضع صاير زيـــن..؟!
بس المناطق في بغداد أصبحت مقسمة طائفيا .. أي انها إما سنية بالكامل ... او مناطق شيعية بالكامل ولا يجرأ السني ان يدخل منطقة شـيعية وإلا فالتابوت جاهز او جثة مجهولة الهوية..!؟
وكذلك الشيعي لا يجرأ يدخل منطقة سنية وان كان بيته الذي تركه كان في تلك المنطقة وهذا حظه المصخم.!يكولون الوضع صاير زيـــن..!بس من تطلع من البيت الى ان ترجع كل الاهل ظال بالهم يمك وكل شوية تجيك ترميشة علموبايل واذا ما تجاوب يعني الفار كام يلعب بالعب..!
يكولون الوضع صاير زيــــن..!
بس أموال العراق تايهة وما الها صاحب (يعني دشر) يعني اشبهلكم بمثل ..تخيلوا لو دخل حرامي الى بنك وشاف الفلوس بلوكات مصفطة متر في متر في متر (يعني) متر مكعب (يعني) ما ينعدون (يعني) ما ينشالون بسهولة (يعني) لازم يروح ويجي ويرجع يشيل ويسويه كم درب وما تخلص وهذا كلـه وماكو لا باب ولا حارس ولا بكة (زوج الي ما ياخذ) زوج الي ما يشيل (بلغة الحواسم)..!
وهكذا العراق دخل إليه الامريكان ووجدوا كل شيء مهيأ وبما انهم يطبقون ديمقراطية الحواسم فطبعا سيقولون زوج الي ما ياخذ من هذا الكنز..!
يكولون الوضع صاير زيـــــن..!
بس العيد صار ينمط من ورة ومن كدام وتكدر تطلع براحتك وانت وكل عائلتك وتكدر تمشي بالشارع وتكدر تفتح دكانك وتكدر تداوم بالمدرسة وتكدر تتمشى تشتري صمون وتكدر تلزم سرة علبنزين وتكدر كلش تسوي بس اكو شغلة دير بالك منها بس شلون تدير بالك ما ادري (دير بالك من التفجيرات مال العبوات الايرانية المقدسة الجارة العزيزة الغالية التي لا تريد أن تترك ركناً إلا أن تطبع فيه بصماتها الحانية..!
يكولون الوضع صاير زيــــــن.!
بس بعدنه نحلم ونتمنى وننتظر تصير وكفة من الدول العربية مع محنة العراقيين ولكن مع الاسف ما شفنه احد يوكف ويانه الا الاحباب الايرانيين يوميه يدزولنه أشكد عبوات لاصقة وأشكد اكل فاسد وأشكد مخدرات ووياهة عمايم جايفة ومعفنة..
فشكرا لهذه الجارة الوفية.
.يكولون الوضع صاير زيـــــن.!
طبعا هذا كله من الي اسمعه من الناس ومن الأخبار ..طبعا اني لا رايح ولا شايف بس اذا هذا الوضع طلع هيجي مثل ما تكولون لعد الوضع مو بس زين.. حيييييييل زييييييييين..!
ليست هناك تعليقات:
إرسال تعليق