من طاح حظك (بهلول)!!

إشارة : (بهلول المدينة) اسم مستعار لأحد أتباع المحتل ومروِّجيه،
القصيدة لا تعنيه تحديدا ولكنها تعني كل (بهلول) عميل في جوقة المنطقة الخضراء.
شبكة البصرة
قصيدة بقلم شاعرها

من طـاح حـظـك (بـهـلـول) امـنـغــل ايراني ومسـلول
طِـلـع السـانـك مو معـقـول وانته الحدرك جنت اتبول
احجي ، واشمـاعندك كَـول والدخـان ايـطـش ويـزول
يروح الليل اشما بي طول وهـذا الملعـب بيه انجـول

اتبطّـلْ .. مو كيف الباطول

من طاح حظك ... خوْ طاح انـبـح مـا يـنـفـع لـنــبـاح
باجـر تسـمع بـس اصـيـاح وليحمونـك صاروا بــــاح
ويـن اتـروح امـن اللكَـّــاح يصعـدلك لو سبع ارمـاح
والجـف المـا بـيـه اســلاح خـلْ نكَـطعـه وخـل نرتاح

والحِـمل ايـشـيـله الحامـول

مـن طــاح حـظـك يـزمــال من هلْ المال حملو اجمال
طبعا تحجي وحـجـيك مـال واحـد جـاي اويالبـسـطـال
هسه السـانك طـوله انعـال من البعــرور الهاي الحال
أحـســن تـرجــع للمـطّـــال هاي الدولـه اتـريـد ارجـال

مـو حـدر المحتـل مـمـطـول

مـن طاح حظك ... ما كان قـصّــه ومن اولــه احــزان
تحجي وابـظـهـرك إيــران وجيش القدس البي فرحان
يـرحـم ذاك الحِـيـد الجــان كَــــده وسـواكــم نـســــوان
ما نـسـمـع بـس دك الدان حـيـف الموت اشكَـد ندمـان

يــاخِــــذ ذاك ويــتـــرك ذول

من طـاح حظك واحزرهه مـاتـفـتـر بـالـدان انـفـرهـه
خمس سنين امواكح سره ذيـج الراحت هـاي انجرهـه
وانـغـيّـم بـيـه ونمطـرهـه معـذور المـا ظـايـك مـرهـه
نكَـلب سـافلهه انوجـرهـه وامـعـيّـر كـلـمـن يـعـذرهــه

خـتـنـكَـط والجـاي اسـيـول

من طـاح حظك ، مو زيـن صرتو اكـليـنـس المريكـان
اقـبـلتـو وانتـو الممنـونين ومـزاود جـنـكــم خِـرفـــان
ديمقـراطيه ...... وبعـديـن صار الوطـن خـانـج خــان
لالاه راس ولا رجـــلـيـــن بـيـت ومـبـيــوع لايـــــران

مـحـد بـيـه وصـايـر جـول

مـن طــاح حـظــك جــذاب من سـألـوني كَـلت اسويـج
ابـيـتــه ومـا يـنـدل البــاب وحطوه مسؤول اطويريـج
يكَــدر عله كلشي الحـبّـاب أولـهـن يـلـطـــم عـلـريـــج
بطل ويلعـب صول اجعـاب ويـشـوّر ويـبـيّـض الديـــج

ويـطـيـّب حـتـه الفـالــول

ما طـاح حـظــك من هــاي حـظـك طـايـح صار هـواي
من اول يـوم انـتـه ويــاي غاسـل ايـدي بطـوز ومـاي
جاوي الكَـصـه ويا بـوياي انـتـه العِــلــه وانـتـه الداي
لو نكَـضيهـه خبـزه وجاي مـا نـنـتـخـبــك يــا بـبـــاي

اشما توعد واشما اتكَـول

من طـاح حـظـك مـرتـيــن قــافـــل ذان وفــاتـــح ذان
واحـنـه انـصرّخ يمعـودين مـو ظـلـت بـس الحـيـطـان
ويـنـه اليـخـزركم بالعـيـن ومنه اتغـركَـون اللـبـسـان
والله انـعـالـه البـرجـلـيــن اشـرف من اشـرفـكم جـان

سيف امجربينه ومسلول

مـن طـاح حـظـك خـلـيـت كـــل الـوادم تــاكـــلْ حَــــو
يـمـتـه التعـمر هـذا البيت بـس كَـللنه (يـس) لو (نــو)
يـوم امصخـم يـوم الجيت طحت عله الروس من الجو
تـرعِـــد وتـهـدد ظــلـيـت وجنت اتوصص صَو صَو صَو

متعـجـب صـايـر مـسـؤول

مـن طـاح حـظـك ، كــافي مـا مـلـيـت اشـكَـــد اتـبـوك
مـو جـنـت امـعـمّـم حـافي هسـه رصيدك عشر ابنـوك
مـن ذاكه لهاذه اتــوافـــي وتتطـافـر جـنـك بـربـ.....ك
نـعـرف سـرك مـو خـافـي بس لحكَـوك اتـريـد احـلـوك

وهـاي الدنيه حـال تـحـول

خو صـاير امريكي ومستـر ومـن تـشـبـخ كـلـه لايـران
سـاسـك هـاذ ومـا يـتـغـيــر لا تـحـاول تــخــلـط لـلـوان
جـنـت اتصـيّح احـذر احـذر وادك عـلـنـاس الـبـيـبـــان
امـريـكـا الشـيـطـان الأكـبر شو عمك صار الشيطان

انـفـخ مزروف الماصـول

راح اختمهه بهاذ المقطـع كَطره الغيره وفوك الكَصّه
من تـنـزل تـنـزل ما ترجع ومـعـيّـر كـلـه ومـو نـصّـه
وطـني خـيّـال المـا يـركـع سيف الطك (لجمان) وكَصّه
باجر يحضن اهله ويرجع ونـسـولـف للنـاس القـصّـه
غـيـر الدم ما تـلكَـه احـلـول
(حل فرض الخامس كَوموله)
(حل فرض الخامس كَوموله)